Curros, unha mirada de pedra
Documental sobre a figura do poeta galego Curros Enríquez, producido integramente polo equipo da asociación.
— Sección · Audiovisual
Proxectos cinematográficos documentais e de ficción.
Producións audiovisuais da asociación: documentais históricos, pezas de ficción e recuperación de memoria galega. Todas escritas, rodadas e producidas polo equipo da asociación.
Producións
Canle de YouTube ↗
O que rodamos.
Solsticio de verano y Noche de San Juan
Curtametraxe documental, realizada con fins formativos, na que se conta a historia da percepción do home respecto ao solsticio de verán e á Noite de San Xoán, e as crenzas e tradicións vinculadas con ela en todo o mundo, especialmente en España e Galicia.
Caminos conectados
Produción de ficción da asociación.
O soño de Viveiro
Produción documental da asociación sobre Viveiro. Dispoñible o making-of na canle de YouTube.
En rodaxe · Serie "Entrevistas con historia"
Entrevista con Rosalía de Castro.
Curtametraxe de ficción na que unha imposible entrevista realizada na actualidade a Rosalía, que viaxou ata o presente, permítenos achegarnos á súa vida persoal e creación literaria, dunha maneira máis próxima e intimista.
Nova sesión de traballo para a curtametraxe sobre Rosalía de Castro
De acordo co previsto no plan de produción da curtametraxe dedicada a Rosalía de Castro, tivemos, o pasado sábado, día 30 de maio, unha nova sesión de rodaxe de interiores.
Este proxecto, enmarcado na serie "Entrevistas con historia", que estamos a promover desde a Asociación De Maior Crea, é, como todos os demais proxectos en marcha, unha iniciativa propia que desenvolvemos entre todos os asociados, de maneira colaborativa e co incrible orzamento de 0 euros.
Un excelente e disposto equipo de traballo, que coa súa dedicación e talento achegan o principal aval de calidade deste audiovisual.
Xuntos compartimos un duro día de rodaxe e, a falta dalgunhas gravacións en exteriores e dalgunhas locucións en off, temos moito avanzado para poder rematar esta produción antes de fin de ano.
Detrás das cámaras
Making-of das rodaxes.
Unha selección de imaxes do traballo en plató e exteriores das producións da asociación.
Convocatoria · Proxecto Cidade de Cine Sénior
O seguinte paso da asociación.
Produción 2026 — 2027
Produción e rodaxe dunha longametraxe en Viveiro
No marco do proxecto Cidade de Cinema Sénior, Viveiro será a protagonista da primeira longametraxe realizada de forma colaborativa por persoas maiores de 55 anos. Coordinada por Manolo Gómez (dous Premios Goya, preselección ao Oscar, fundador de Dygra Films). Produtora: Asociación De Maior Crea — Delegación de Viveiro.
A dirección e demais autorías sairán das xornadas creativas entre as persoas que se sumen ao equipo. Continúa o camiño aberto por O Soño de Viveiro, codirixida por Anxo Bertolo e Conchita Parapar e estreada o 25 de abril con 151 viveirenses no reparto.
Canles de YouTube
Onde ver as producións.
Cada nova produción publícase nas canles de YouTube. Síguenos para non perderte as estreas.